ყარაფილასთან შეკრული ,,ცოცხალი ჯაჭვის” შიშით რუსეთის საოკუპაციო ძალებმა სამხედრო ბაზიდან მძიმე ტექნიკა და ცოცხალი ძალა გამოიყვანეს

0
467
ავტომაგისტრალთან ყარაფილას მონაკვეთზე, საოკუპაციო ზოლიდან 400 მეტრში – ოკუპანტების მიერ გავლებულ ე.წ. საზღვართან დღეს მასშტაბური საპროტესტო აქცია გაიმართა. აქციის მონაწილეები ყარაფილა-ხურვალეთის მონაკვეთთან შეიკრიბნენ და ცოცხალი ჯაჭვი შეკრეს. მათ ამ ფორმით საქართველოს ანექსია გააპროტესტეს.
 
აქციის ორგანიზატორის დავით ქაცარავას ინფორმაციით, ჯაჭვის შეკვრის პარალელურად, მათ დააფიქსირეს, რომ რუსეთის საოკუპაციო ძალებმა სამხედრო ბაზიდან გამოიყვანეს მძიმე ტექნიკა და ცოცხალი ძალა.
 
დავით ქაცარავა ამ ფაქტს ქართული მხარის გამარჯვებას უწოდებს და აცხადებს, რომ რუსეთის საოკუპაციო ძალების მოქმედება მხდალი ადამიანების საქციელია, რომელიც ადასტურებს, რომ მათ ეშინიათ სამოქალაქო პროტესტის.
 
ცოცხალი ჯაჭვი ყარაფილა-ხურვალეთის მონაკვეთთან დაახლოებით 40 წუთს გაგრძელდა.
 
,,მე ვიცი, რომ მშვიდობა უკეთესია, ამიტომ მზად ვართ ომისთვის”, ”ძალა ერთობაშია” და ა.შ. – ეს ის მთავარი გზავნილებია, რომლებიც აქციის მონაწილეებმა ბანერებზე განათავსეს.
 
აქციის მონაწილეები პროტესტის დაფიქსირების შემდეგ დაიშალნენ. 
 
 
 
 
 
 
წინა სტატიაბათუმში, ერთ-ერთი საცხოვრებელი კორპუსის ბინაში ორი ბიჭის ცხედარი იპოვეს
შემდეგი სტატიაზუგდიდში,თავისუფლების მოედანზე ხალხმა 12 საათიდან იწყო შეკრება, მოკლე ხანში ისინი ენგურის ხიდისკენ გაემართებიან
ტელეკომპანია ოდიშის საინფორმაციო სამსახური