აფხაზეთში აგვისტო ომის მეცხრე წლისთავზე ვლადიმერ პუტინის ვიზიტია დაგეგმილი

0
405
აგვისტო ომის მეცხრე წლისთავზე რუსეთის პრეზიდენტი, ვლადიმერ პუტინის ვიზიტია დაგეგმილი. ამის შესახებ პრეზიდენტის პრესმდივანმა, დიმიტრი პესკოვმა РБК-სთან საუბარში განაცხადა.
 
პესკოვის ინფორმაციით, თარიღის დაზუსტებაზე, დიპლომატიური არხებით, მუშაობა მიმდინარეობს. მისი თქმით, პუტინი აფხაზეთს, სავარაუდოდ, 8 აგვისტოს, აგვისტოს ომის მეცხრე წლისთავზე ეწვევა.
 
პუტინის ვიზიტის შესახებ ინფორმაციას ადასტურებს დუმის დსთ-ს საქმეთა კომიტეტის თავმჯდომარე, კონსტანტინე ზატულინი. მან ვიზიტი სოხუმში გართულებულ შიდა პოლიტიკურ ვითარებასა და აშშ-ს ვიცე-პრეზიდენტის მაიკლ პენსის საქართველოში ვიზიტს დაუკავშირა. ვიზიტის ფარგლებში იგეგმება შეხვედრები არაღიარებული რესპუბლიკის პრეზიდენტთან, რაულ ხაჯინბასთან.
 
პუტინი აფხაზეთს ბოლოს 2013 წელს ეწვია და არაღიარებული რესპუბლიკის მაშინდელ პრეზიდენტს, ალექსანდრ ანქვაბს შეხვდა.
წინა სტატიამმართველი გუნდი გიორგი მარგველაშვილს მაიკ პენსისთვის გაკეთებული შეთავაზების გამო აკრიტიკებს
შემდეგი სტატიასახელმწიფო მინისტრი: “პროვოკაციულ ქმედებებს აქვს ადგილი”
ტელეკომპანია ოდიშის საინფორმაციო სამსახური