,,პენსმა რუსეთის ქმედებებს თავისი სახელი უნდა დაარქვას და თქვას, რომ ესაა უცხო ქვეყნის ოკუპაცია” – რას მოელის აშშ ვიცე-პრეზიდენტისგან დენიელ კოჩისი

0
382
,, 2008 წელს აშშ-მა რუსეთის მიმართ საკმარისი სიმკაცრე ვერ გამოიჩინა, რამაც მოსკოვს საშუალება მისცა აგრესია უკრაინაში გაემეორებინა'' – განაცხადა მარგარეტ ტეტჩერის თავისუფლების ცენტრის ევროპის პოლიტიკის სპეციალისტმა დენიელ კოჩისმა „ამერიკის ხმის“ ქართული სამსახურისთვის მიცემულ ინტერვიუში .
 
,,ვიცე-პრეზიდენტმა საქარველოში ვიზიტისას რეგიონში რუსეთის ქმედებებს თავის სახელი უნდა დაარქვას და თქვას, რომ ესაა უცხო ქვეყნის ოკუპაცია. ვისურვებდი, რომ დაიწყოს საუბარი, უკრაინის მსგავსად, საქართველოსთვის თავდაცვითი იარაღის მიწოდებაზე, რადგან საქართველო რუსეთის უკანონო ოკუპაციის პირობებში ცხოვრობს. ვფიქრობ, მოსკოვში უნდა გაიგონ, რომ აშშ ბალკანელ, ბალტიისპირელ და ქართველ მეგობრებთან აქტიურად ურთიერთობს“, – განაცხადა კოჩისმა.
 
 აშშ-მა მკაცრად უნდა დაგმოს რუსეთის ქმედებები, შეეწინააღმდეგოს რუსეთის აგრესიას და ეცადოს, თავიდან აიცილოს მისი მომავალი თავდასხმები. კონგრესის მიერ რუსეთის წინააღმდეგ მიღებული სანქციები ამ მიმართულებით გადადგმული ნაბიჯია. კონგრესის ბოლო სანქციები რუსეთის მიერ უკრაინაში ჩადენილი ქმედებებით იყო შთაგონებული, თუმცა ნათელია, რომ ყველაფერი საქართველოზე თავდასხმით დაიწყო. შეერთებულმა შტატებმა უნდა გააგრძელოს რუსეთის ძირგამომთხრელი ნაბიჯების, მათ შორის, პროპაგანდის დაგმობა და დაეხმაროს ჟურნალისტებს ყალბი ცნობების გამოაშკარავებაში“,.

 
 ,,საქართველო აშშ-ის ძლიერი მოკავშირეა, რომელიც გულმოდგინედ აგრძელებს სვლას ნატო-სა და ევროკავშირისკენ.  აშშ-ის ვიცე-პრეზიდენტმა უნდა განაცხადოს, რომ ამერიკა მის ძალისხმევას მხარს უჭერს და საქართველოს ევროატლანტიკურ ინტეგრაციაში დაეხმარება. თავის მხრივ, საქართველომ ინტეგრაციისკენ სვლა უნდა გააგრძელოს. ვფიქრობ, ვიცე-პრეზიდენტი საქართველოს მოუწოდებს, რომ მან ნატო-ში გაწევრიანებისათვის ძალისხმევა არ დაიშუროს. 
 
 
 
წინა სტატიაპუტინმა 2008 წლის ომის დროს რუსეთის სახელმწიფო ღალატის ბრალდებით დაკავებული მარინა ჯანჯღავა და ანიკ კესიანიანი შეიწყალა
შემდეგი სტატიარატომ ცვივა რუსული თვითმფრინავები აფხაზეთის ციდან სიმინდის ტაროებივით? – გაჯავრებული აფხაზების შავი იუმორი
ტელეკომპანია ოდიშის საინფორმაციო სამსახური