პოროშენკოს დასასრულის დასაწყისი – ასე აფასებენ უკრაინაში მიხეილ სააკაშვილისთვის უკრაინის მოქალაქეობის ჩამორთმევას

0
374
საქართველოს მესამე პრეზიდენტის, უკრაინის ოპოზიციის ლიდერის მიხეილ სააკაშვილის პარტია „რუხის“ წევრები, მისთვის  უკრაინის მოქალაქეობის ჩამორთმევას უკანონობად მიიჩნევენ.
 
„ეს არის უკანონობა, უკრაინის კონსტიტუციისა საერთაშორისო სამართლის ნორმების თანახმად, არ შეიძლება ადამიანს, რომელსაც ერთი ქვეყნის მოქალაქეობა გააჩნია, ის წაართვა. რაც შეეხება პოლიტიკურ შეფასებას, სახეზეა, რომ ამ ხელისუფლებას ეშინია,“ – განაცხადა მიხეილ სააკაშვილის პარტია „რუხის“ წევრმა, ოლგა გალაბალამ.
პარტიაში აცხადებენ, რომ უკრაინის ხელისუფლების დასასრულის დაჩქარებას გეგმავენ.
 
საქართველოს მესამე პრეზიდენტის, მიხეილ სააკაშვილისთვის უკრაინის მოქალაქეობის ჩამორთმევის თაობაზე განცხადება საკუთარი Facebook-ის გვერდზე უკრაინის პრეზიდენტის, პეტრო პოროშენკოს ბლოკის წევრმა, სერგეი ლიშენკომ გააკეთა.
 
ის მიხეილ სააკაშვილთან მიმართებაში პეტრო პოროშენკოს სცენარს განმარტავს და ამბობს, რომ საქართველოს მესამე პრეზიდენტი უკრაინაში დაბრუნებას ვერ შეძლებს. მისი თქმით, მიხეილ სააკაშვილს აიძულებენ თავშესაფარი ამერიკაში მიიღოს.
 
განცხადებაში ნათქვამია: სააკაშვილს აიძულებენ მიიღოს თავშესაფარი ამერიკაში – პეტრო პოროშენკოს ბლოკის წევრის განცხადება„პოროშენკოს სცენარი სააკაშვილთან მიმართებაში: გააუქმოს მისი უკრაინული მოქალაქეობა, ვიდრე ის შეერთებულ შტატებში იმყოფება. ამგვარად, სააკაშვილი ფიზიკურადაც კი ვერ შეძლებს უკრაინაში დაბრუნებას – მას დააკავებენ ბორისპოლში ჩაფრენისას და პირველივე რეისით საქართველოში ექსტრადირებას მოახდენენ. შეუძლებელი იქნება ფიზიკურად მისი დაცვა ექსტრადირებისგან. ფაქტობრივად, სააკაშვილს აიძულებენ მიიღოს თავშესაფარი ამერიკაში და დაივიწყოს უკრაინული პოლიტიკა.
 
ეს ყველაფერი სპეციალურად გააკეთეს ზაფხულში, ვიდრე სამოქალაქო აქტივობა დაბალია. არ ეძებოთ პოროშენკოს ბრძანებულება სააკაშვილისთვის მოქალაქეობის ჩამორთმევის შესახებ პრეზიდენტის საიტზე – ის არ გამოქვეყნდება, რადგან პირზე პერსონალურ ინფორმაციას შეიცავს.  იანუკოვიჩმა თავისი კონკურენტების იზოლირება ციხეებში მოახდინა, პოროშენკომ კი საზღვარგარეთ."– წერს სერგეი ლიშენკო 
 
 
წინა სტატიასაყვარელიძე: “სააკაშვილი დარჩა უკრაინის მოქალაქეობის და უკრაინაში შესვლის უფლების გარეშე”
შემდეგი სტატიაორი რევანშისტული და ოლიგარქიული რეჟიმის- ქართველი ივანიშვილისა და უკრაინელი პოროშენკოს შეთქმულება. ახლა უკვე აშკარაა, რისი და ვისი ეშინია პრეზიდენტ პოროშენკოს
ტელეკომპანია ოდიშის საინფორმაციო სამსახური