სენატორი ჯონ მაკკეინი, რომელსაც ცოტა ხნის წინ თავის ტვინის სიმსივნის დიაგნოზი დაუსვეს, ვაშინგტონში დაბრუნდა, რათა სენატში მნიშვნელოვანი კანონპროექტების კენჭისყრაში მიიღოს მონაწილეობა.
"სენატორი მაკკეინი მოუთმენლად ელის სენატში მუშაობის გაგრძელებას, რათა მნიშვნელოვანი კანონპროექტების კენჭისყრაში მიიღოს მონაწილეობა, მათ შორის ჯანდაცვის რეფორმის, ასევე რუსეთის, ირანის და ჩრდილოეთ კორეის წინააღმდეგ ახალ სანქციების დაწესების თაობაზე კანონპროექტში", – ნათქვამია მაკკეინის ოფისის განცხადებაში, რომელსაც სააგენტო Reuters ავრცელებს.
აშშ-ს პრეზიდენტი დონალდ ტრამპი მიესალმა სენატორ ჯონ მაკკეინის დაბრუნებას კონგრესში ოპერაციის შემდეგ.
"რა დიდებულია, რომ ჯონ მაკკეინი კენჭისყრისთვის დაბრუნდა. მამაცი – ამერიკელი გმირი! მადლობა, ჯონ ", – წერს იგი „ტვიტერზე“.