ელექტრონული მუსიკის ფესტივალმა Gem Fest განმუხურის ტერიტორიაზე სტარტი აიღო. მთავარ სცენაზე წუხელ ლეგენდარულმა მუსიკოსმა, გრემის ნომინანტმა დიჯეიმ და პროდიუსერმა Stive Aoki-მ დაუკრა. მუსიკოსმა მსმენელებს ორსაათიანი გრანდიუზული შოუ აჩუქა, რომელიც სანახაობრივი ელემენტებითაც იყო გაჯერებული. კონცერტის მიმდინარეობისას მან მაყურებლების მიმართულებით რამდენიმე ტორტი ისროლა, მოგვიანებით კი საქართველოს ეროვნული დროშა ტანზე შემოიხვია და მაყურებელს ემოციურად მიმართა.
Stive Aoki-ს კონცერტის ბოლოს მედიასთან კომენტარი არ გაუკეთებია. ის გაძლიერებულმა დაცვამ მანქანაში ჩასვა, თუმცა მომღერალმა ავტომობილის ლუქიდან მაყურებლებს მადლობა გადაუხადა, მოგვიანებით კი ტელეკომპანია „ოდიშის“ ჟურნალისტს მიკროფონი გამოართვა და თქვა – I Love Georgia!
Stive Aoki ჩატარებული შოუების რაოდენობით გინესის რეკორდსმენია – მუსიკოსმა 2014 წელს 41 ქვეყანაში 161 შოუ ჩაატარა. არტისტის გამოსვლები გამორჩეულია აკრობატული ტრიუკებით და უცნაური სიურპრიზებით.