სასტუმრო “შერატონ მეტეხი პალასის” სარდაფში მდებარე თბოიზოლაციის სისტემას ცეცხლი გაუჩნდა.
შინაგან საქმეთა სამინისტროს საგანგებო სიტუაციების მართვის სამსახურის ცნობით, ადგილზე მისული 4 სახანძრო-სამაშველო ბრიგადის მიერ დროულად მიღებული ზომების შედეგად ხანძარი საწყის ეტაპზევე იქნა ლიკვიდირებული.
სამწუხაროდ, ცეცხლმა გამოიწვია ძლიერი დაკვამლიანება და სწორედ კვამლის ჩასუნთქვის შედეგად დაშავდა 3 მუშა. ისინი საავადმყოფოში არიან გადაყვანილი. დაშავებულ მუშებს დამწვრობა არ აღენიშნებათ.
“შერატონ-მეტეხი პალასში” სარემონტო სამუშაოები მიმდინარეობს.