.„პატრიოტთა ალიანსის“ ვიზიტს მოსკოვში, გამოხმაურებები მოჰყვა პოლიტიკურ სპექტრში.
"ნაციონალურ მოძრაობაში"აცხადებენ, რომ ხელისუფლებას დამთმობი პოლიტიკა აქვს რუსთის ფედერაციასთან და სწორედ ამან მოიტანა ის, თუ რა ვითარებაც არსებობს ოკუპირებულ ტერიტორიაზე დღეს.
ზაზა ბიბილაშვილის თქმით, „ის, რომ საქართველო მარტოა რუსეთთან მიმართებაში, არის ქვეყნის ხელისუფლების ბრალი.“
„ არ არსებობს რუსეთთან წარმოებული დიალოგის წარმატების მაგალითი მსოფლიოს ისტორიაში. არ არსებობს მაგალითი, როდესაც დაპყრობილმა ქვეყანამ გაათავისუფლა საკუთარი ტერიტორიები რუსეთთან დიალოგის გზით. ერთადერთი გზა არის, ეკონომიკური გაძლიერება, რის საწინააღმდეგოდაც ყველაფერს აკეთებს ეს ხელისუფლება და ასევე ძალიან მჭიდრო კონტაქტი ჩვენ დასავლელ პარტნიორებთან,“- განაცხადა ზაზა ბიბილაშვილმა.
შეგახსენებთ, ფრაქცია „პატრიოტთა ალიანსის“ წევრები სათათბიროს დეპუტატებთან გამართავენ მოლაპარაკებას.
,,არაფერია დასამალი იმაში, რომ პოლიტიკური დიალოგის დაწყების ინიციატორები ვართ. ჩვენ არ გვაქვს მოლოდინი, რომ ხვალვე გაერთიანდება საქართველო და ხვალვე დაგვიბრუნდება სოხუმი და ცხინვალი, მაგრამ საუბრის და დიალოგის დაწყებას ალტერნატივა არ აქვს”, – აცხადებს პარტიის ლიდერი ირმა ინაშვილი.