დღეს აბიტურიენტები ერთიან ეროვნულ გამოცდების მეორე ეტაპზე გავიდნენ – გამოცდა ზოგად უნარებში ტარდება.
ზუგდიდში ზოგადი უნარების გამოცდაზე 435 აბიტურიენტია დარეგისტრირებული, მაგრამ დღეს პირველი ნაკადის გამოცდაზე ათით ნაკლები, სულ 425 შევიდა.
როგორც საგამოცდო ცენტრის ადმინისტრატორი ნანა ქირია ამბობს, ამის მიზეზი გამოცდაზე დაგვიანება არ არის, ასეთი შემთხვევა არ დაფიქსირებულა, შესაბამისად, ადმინისტრაციას დაგვიანების გამო გამოცდიდან არავინ მოუხსნია და, როგორც ჩანს, არგამოცხადება თავად ამ ათი აბიტურიენტის გადაწყვეტილება იყო.
ზუგდიდში, ისევე, როგრც მთელი საქართველოს მასშტაბით, პირველი ნაკადის ტესტირება ზუსტად დადგენილ დროს – 9 საათზე დაიწყო 13:00 საათზე დასრულდა, . მეორე ნაკადი კი რამდენიმე წუთში – 14 საათზე შევა.