,,ივანიშვილს სურს, ბანანის რესპუბლიკაში გვაცხოვროს, სადაც მისი შვილის სოციალური სტატუსი განსაზღვრავს ჩვენი ქვეყნის მოქალაქეების ბედს – იქნებიან ისინი ციხეში, თუ იქნებიან გარეთ, – ამის შესახებ "ნაციონალური მოძრაობის" წევრმა თინა ბოკუჩავამ განაცხადა, რითაც გამოეხმაურა "ბირჟა მაფიას" წევრების გათავისუფლების საკითხს.
ბოკუჩავას განცხადებით, ხელისუფლებას, რაც არ უნდა ეცადოს, აღარ გამოუვა ამ პრობლემის გადაფარვა ამა თუ იმ კანონპროექტით.
"ხელისუფლება ცდილობს, მონახოს გამოსავალი სრულიად გამოუვალი მდგომარეობიდან, რადგან ცალსახაა, რომ ხელისუფლების უმაღლესი თანამდებობის პირმა დაუკვეთა ამ ადამიანების დაჭერა ჩადების ხარჯზე. ხოლო შემდგომ, როდესაც ოლიგარქის ვაჟმა გადაწყვიტა, რომ სოლიდარობა გამოეცხადებინა თავის სფეროში მოღვაწე მუსიკოსებისთვის, მთელ სამართალდამცავ და სასამართლო სტრუქტურებს მოუწიათ ბერა ივანიშვილის ნარატივზე გადაწყობა", – განაცხადა თინა ბოკუჩავამ.