ლომისობის დღესასწაულზე, სალოცავთან მისასვლელ გზაზე 20-მდე ადამიანი მსუბუქად დაშავდა. ინფორმაციას ამის შესახებ ავრცელებს ”ინტერპრესნიუსი” შინაგან საქმეთა სამინისტროს საგანგებო სიტუაციების მართვის სააგენტოზე დაყრდნობით.
სააგენტოსგან მირებული ინფორმაციის თანახმად, ადგილზე იმყოფებიან სამაშველო სამსახურის თანამშრომლები, რომლებიც იქ მიმსვლელ მლოცველებს დახმარებას უწევენ.
მაშველები ამ დროისთვის 20-მდე ადამიანს დაეხმარნენ, რომლებსაც ფეხი დაუცურდათ და მსუბუქი დაზიანება მიიღეს, "ზოგი უბრალოდ ცუდად ხდებოდა, რომლებსაც სამედიცინო დახმარება გაუწიეს".
როგორც უწყებაში აცხადებენ, ადგილზე 65 მაშველი იმყოფება და იქ იმ დრომდე დარჩებიან, ვიდრე ბოლო ადამიანიც კი არ დატოვებს სალოცავს.