მთავარისიახლეებიეკონომიკატყიბულის ტრაგედიის შემდეგ მთავრობა შრომის ინსპექციის შექმნაზე ალაპარაკდა

ტყიბულის ტრაგედიის შემდეგ მთავრობა შრომის ინსპექციის შექმნაზე ალაპარაკდა

Published on

ტყიბულის შახტში  მომხდარი ტრაგიკული შემთხვევისა და ამ ფაქტზე საზოგადოების მაფრი რეაქციის შემდეგ  გააქტიურდა  შრომის ინსპექციის შექმნისა და  ეფექტური საქმიანიობის საკითხი.  
 
"შრომის ინსპექციის შექმნა არის ვალდებულება, რომელიც საქართველომ აიღო. ეს ვალდებულება გამომდინარეობს არა მარტო ევროკავშირ-საქართველოს ასოცირების შეთანხმებიდან, არამე შრომის საერთაშორისო ორგანიზაციის წესდებიდან. ამის შესახებ ჟურნალისტებს ევროკავშირის წარმომადგენლობის ხელმძღვანელმა საქართველოში იანოშ ჰერმანმა განუცხადა. – ჩვენ განვიხილეთ ეს საკითხი არაერთხელ პრაქტიკულად ყველასთან: მთავრობასთან, ბიზნესთან, სავაჭრო გაერთიანებებთან. ჩვენ ამას მხარს ვუჭერთ. მე მესმის, რომ გარკვეული პროგრესი ამ მიმართულებით სახეზეა და ისიც მესმის, რომ ერთ დღეში ეს ვერ განხორციელდება",- განაცხადა იანოშ ჰერმანმა, თუმცა იმედი გამოთქვა, რომ ეტაპობრივად, შრომის ინსპექცია სრულფასოვნად ამოქმედდება.
 
საქართველოს მთავრობა ავრცელებს ინფორმაციას, რომ  ქვეყანაში შრომის უსაფრთხოების დარეგულირების მიზნით, საკანონმდებლო ინიციატივის წარდგენას გეგმავს.
სიახლე ჯანმრთელობისთვის მაღალი რისკის მქონე ობიექტებზე ინსპექტირებასაც ითვალისწინებს. მასში გათვალისწინებული იქნება სანქციებიც, რომელიც ამჟამად არ არსებობს.
 
საპარლამენტო უმრავლესობაში ვარაუდობენ, რომ ინიციატივის კანონად ჩამოყალიბება საგაზაფხულო სესიაზე მოხდება და საკონსტიტუციო დონეზე ამ საკითხის ჩანაწერს საჭიროდ არ მიიჩნევენ.
„მთავრობა შემოიტანს უახლოეს მომავალში კანონმდებლობას ჩვენ, რა თქმა უნდა, მხარს დავუჭერთ, რომ ჯანმრთელობისთვის მაღალი რისკის მქონე დაწესებულებებში შრომის ინსპექციას ჰქონდეს პროაქტიული შემოწმების საშუალება, არ სჭირდებოდეს სასამართლოს ნებართვა თუ ორგანიზაციის მიწვევა და ამავდროულად ჰქონდეს სანქციების დაყენების უფლება იმ შემთხვევაში, თუ არ შესრულდა შრომის უსაფრთხოების ნორმები,“ – განაცხადა აკაკი ზოიძემ.
 
შრომის ინსპექციის შექმნის ინიციატივას სკეპტიკურად უყურებს ოპოზიცია. საპარლამენტო უმცირესობაში ამბობენ, რომ მსგავს შემთხვევებში მთავარი საქმის გამჭვირვალედ და დეტალურად გამოძიებაა. თუ ეს არ მოხდა შრომის ინსპექცია ისეთივე  ფიქტიური წარმონაქმნი იქნება, როგორიც იყო მსგავსი სტრუქტურა საბჭოთა კავშირში.  
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...