სამოქალაქო მოძრაობა “სამეგრელოს ხმის” დამფუძნებელი თენგიზ ჯგუშია ზუგდიდში წუხელ მომხდარ აფეთქებას ფეისბუკის საკუთარ გვერდზე ეხმაურება და ხანძარს არა შემთხვევითობას, არამედ შეკვეთილ მკვლელობას უწოდებს.„წუხელ, 7 მაისს, ზუგდიდში, წესიერების, ვაჟკაცობის, სიმართლისთვის უკომპრომისო ბრძოლის ეტალონი, 41 წლის ბესიკ ჯგუშია ააფეთქეს.!
ბესიკ ჯგუშია მოკლეს!
მოკლეს!
მოკლეს!
კიდევ ერთი ძმა მომიკლეს!“- წერს თენგიზ ჯგუშია.
ბესიკ ჯგუშია საქართველოს პარლამენტის ყოფილი წევრის, სოციალისტური პარტიის წარმომადგენლის თენგიზ ჯგუშიას ახლო ნათესავია და წინასაარჩევნო პერიოდში მის შტაბშიც იყო დასაქმებული.