ჯანდაცვის კომიტეტის სხდომაზე თამბაქოს შესახებ კანონპროექტის განხილვას კამათი მოჰყვა. უმრავლესობამ მეორე მოსმენისთვის პირველი ვერსიისგან განსხვავებული პროექტი წარადგინა, სადაც ცვლილებების ამოქმედების გადავადებაა ასახული.
ამ ფაქტს ოპოზიციის ნაწილი უმრავლესობის მიერ შესაბამისი კომპანიების ლობირებით ხსნის.პარლამენტის ფრაქცია ,,ნაციონალური მოძრაობის'' თავმჯდომარე, რომან გოცირიძე აცხადებს, რომ მთავრობა თამბაქოს კომპანიებს ლობირებს.
მმართველი გუნდის ინიციატივას თამბაქოს ინდუსტრიის წარმომადგენლებთან კონსულტაციების გამართვასთან დაკავშირებით აკრიტიკებს დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძეც,
საქართველოს მთავრობის საპარლამენტო მდივანი, შალვა თადუმაძე კი აღნიშნავს, რომ სახელმწიფოს თანამშრომლობა ჯანდაცვის სფეროსთან უნდა ხორციელდებოდეს ნებისმიერ შემთხვევაში, თუმცა საჯაროობა უნდა დაიცვან.
შეთავაზებული ცვლილებები მომავალი წლის მაისიდან ამოქმედდება.