კონკურსი  „ქართული  კალიგრაფია – 2017“  წელს უკვე მეხუთედ ტარდება.  

 

ეს ყოველწლიური, უკვე  ტრადიციად ქცეული ღონისძიება  ზუგდიდისა და ცაიშის ეპარქიის  მიტროპოლიტ გერასიმეს ლოცვა-კურთხევით  ეპარქიის ახალგაზრდული ცენტრისა და ქალაქ ზუგდიდის მუნიციპალიტეტის ცენტრალური ბიბლიოთეკის ორგანიზებით ხორციელდება.

 

ამჯერად პროექტის არეალი გაფართოვდა და მასში ჩართული არიან ქალაქ ზუგდიდისა და ზუგდიდის რაიონის, ასევე წალენჯიხის მუნიციპალიტეტის საჯარო და კერძო სკოლების მოსწავლეები, ზრდასრული ადამიანები. 

 

როგორც  ბიბლიოთეკის ციფრული განყოფილების ხელმძღვანელი ირმა კვირკვია  ამბობს, საიუბილეო  „ქართული  კალიგრაფია“-ს  გამოუჩნდნენ  მხარდამჭერები: ქალაქ ზუგდიდის მუნიციპალიტეტის   მერიის  სპორტისა და ახალგაზრდულ  საქმეთა განყოფილება,  სასტუმრო და  რესტორანი-„იბერია  პალასი“,  შპს  სავაჭრო  ცენტრი-ალიანსი“,  ყვავილების  მაღაზია-„ენეტო“,  შპს  „გიორგი“,  „შპს  ზუგდიდის  სუპერმარკეტი,  სილამაზის  სალონი  „ქეთი“. 

 

 ,,კონკურსში მონაწილეთა   სამ ასაკობრივ  ჯგუფში    გამოვლინდნენ  I,  II  და  III  ადგილების  მფლობელები, სხვადასხვა ნომინაციებში  გამარჯვებულები.  ყველა ფინალისტს (სულ-23)  გადაეცა სიგელი ორგანიზატორებისგან და  მიიღო  ფულადი  და სამახსოვრო  საჩუქრები    მხარდამჭერებისაგან , შესრულდა მუსიკალური ნომრები, იმღერეს  ბიბლიოთეკის თანამშრომლებმა, ლექსები წაიკითხეს ჩვენმა მკითხველებმა. ღონისძიებას  ესწრებოდნენ ზუგდიდსა და ცაიშის  ეპარქიის,  ქალაქ ზუგდიდის მუნიციპალიტეტის  მერიის,  საზოგადოების წარმომადგენლები'' – აღნიშნა მან.