წაჩხურობა – ასე ჰქვია დღესასწაულს, რომელიც სამეგრელოში, მარტვილში, აღდგომის დღესასწაულის მომდევნო ხუთშაბათს აღინიშნება. ამ დღეს მრავალი უშვილო წყვილი, აკვნებითა და თოჯინებით ხელში, წაჩხურუს მთავარანგელოზის ეკლესიაში ადის. ეკლესიამდე სამკილომეტრიანი აღმართია, რომელსაც მომლოცველები ფეხით ადიან, ზოგი მას ფეხშიშველი მიუყვება, ეკლესიის ეზოში აკვანში ჩაწვენილ თოჯინას ტოვებენ და მღვდლის კურთხევას ელოდებიან. მათ სწამთ, რომ თუ ამ რიტუალს სამჯერ შეასრულებენ, შვილიც შეეძინებათ.
წაჩხურუს მთავარანგელოზის ეკლესიამდე მისასვლელი გზა გრძელია, დაახლოებით რვა კილომეტრი. პილიგრიმებმა ატალახებულ ფერდობზე უნდა იარონ, თუმცა რთული რელიეფის მიუხედავად, მარტვილის მკვიდრი მლოცველები არასდროს გამოაკლდებიან ამ დღეს. მათი რწმენით, თუ აღდგომის მომდევნო ხუთშაბათს წაჩხურუს მთავარანგელოზის ეკლესიაში უშვილო წყვილები ღმერთს შვილს შესთხოვენ, სურვილი აუცილებლად შეუსრულდებათ.
უშვილო წყვილები ტაძრამდე პატარა, მორთული აკვნებით მიდიან. აკვნის მიმტანებს სიაში წერენ, რათა შემდგომ ლოცვაში მოიხსენიონ. აკვნების კურთხევის რიტუალის შემდეგ, სპეციალურ ადგილას სრულდება
უშვილო წყვილების გარდა წაჩხურუში მადლიერების გამოსახატავად ისინიც მიდიან, ვისაც ამ სასწაულის შემდეგ შვილი გაუჩნდათ.
