შემთხვევა ფსოუს საზღვარზე – შეიარაღებული თავდასხმა საბაჟოს თანამშრომელზე

0
417
ოკუპირებული აფხაზეთის ე.წ მთავარმა პროკურატურამ სისხლის სამართლის საქმე აღძრა მოქალაქე რადი გერზმავას წინააღმდეგ, რომელმაც 30 მარტს ფსოუს საზღვარზე მოქმედ საკონტროლო გამშვებ პუნტზე დანით დაჭრა  საბაჟო სამსახურის თანამშრომელი მუცლის არეში და დანაშაულის ადგილიდან მიიმალა.  
შემთხვევა ღამის 3 საათზე მოხდა, ავტოტრანსპორტის რეგისტრაციის შენობის მიმდებარე ტერიტორიაზე, როცა მებაჟე ტვირთის დათვალიერებას ცდილობდა.  
ბრალდებული ქალაქ გუდაუთის მცხოვრებია, 1982 წელს დაბადებული, დანაშაულის მოტივი ოფიციალურად არ სახელდება.  
საქმე აღძრულია ოკუპირებული აფხაზეთის სისხლის სამართლის კოდექსის 319 -ე  მუხლით, რომელიც გულისხმობს სამართალდამცავი ორგანოს თანამშრომლის, სამხედრო მოსამსახურის ან ამ საქმიანობასთან დაკავშირებული პირის სიცოცხლის ხელყოფის მცდელობას მისთვის სამსახურებრივი მოვალეობის შესრულებაში ხელის შეშლის მიზნით.
 
წინა სტატიაშარშან აფხაზეთში მავნებელმა მწერებმა თხილის ნარგავების 60% გაანადგურეს, უკეთესობას აქ არც წლეულს ელიან
შემდეგი სტატიაზუგდიდში მიხეილ სააკაშვილის ნაჩუქარი საკურა ყვავილობს
ტელეკომპანია ოდიშის საინფორმაციო სამსახური