რუსმა ოკუპანტებმა ენგურის ნაპირებიდან ზუგდიდის რაიონის სოფელ რიყის მცხოვრები მამა-შვილი როგავები გაიტაცეს. ოჯახის წევრების ცნობით, მამა-შვილი დაკარგულ ცხენს ეძებდა და გარმა ნაპირს მიუახლოვდა, თიმცა ადმინისტრაციული საზღვარი არ დაურღვევია. გატაცებულევბი, მათი ინფორმაციით, იარაღის მუქარით ამოიყვანეს წყლიდან და დაატყვევეს. ისინინურყოფებ ტავდაპირვეადგავრცელებულ ვერსიას, რომ როგაები ენგურში თევზობისას დაიჭირეს.
ოჯახმა ტელეკომპანია ,,ოდიშის'' გადამღებ ჯგუფს განუცხადა, რომ არსებული ინფორმაციით, დაკავებულები ჯერ სოფელ საბერიოში, ხოლო იქიდან, სავარაუდოდ, გალის ე.წ. იზოლატორში გადაიყვანეს და ისინი ამ წუთამდე იქ მიმყოფებიან.
სახელმწიფო უსაფრთხოების სამსახური ადასტურებს ინფორმაციას მამა-შვილის დაკავების შესახებ, თუმცა დეტალებზე ჯერ არ საუბრობს.
„მამა-შვილი ე. წ. საზღვრის უკანონო კვეთის ბრალდებითაა დაკავებული. ამის შესახებ დაუტყოვნებლივ იქნა ინფორმირებული ევროკავშირის სადამკვირვებლო მისია, მუშაობს ცხელი ხაზი და ყველაფერი კეთდება მათ გასათავისუფლებლად“, – განუცხადეს გადამღებ ჯგუფს სახელმწიფო უსაფრთხოების სამსახურში.