პოლონეთი ლეხ კაჩინსკის თვითმფრინავის ავიაკატასტროფაში რუს დისპეტჩერებს ადანაშაულებს

პოლონეთის პროკურატურა პრეზიდენტ ლეხ კაჩინსკის თვითმფრინავის ავიაკატასტროფის განზრახ პროვოცირებაში რუს დისპეტჩერებს ადანაშაულებს. როგორც ვარშავაში გამართულ პრესკონფერენციაზე პოლონეთის გენერალური პროკურორის მოადგილე მარეკ პასიონეკმა განაცხადა, საპრეზიდენტო თვითმფრინავის Ту-154-ის ავარიის საქმეზე, მტკიცებულებების გამოკვლევის ანალიზი აძლევთ საფუძველს, ივარაუდონ, რომ ავიაკატასტროფაში სმოლენსკის აეროპორტის ავიადისპეტჩერები დაადანაშაულონ.ამასთან, როგორც პასიონოკმა აღნიშნა, სადისპეტჩერო კოშკურაზე იმყოფებოდა მესამე ადამიანი, რომლის ვინაობაც ჯერ დადგენილი არ არის.„ჩვენ ეჭვი გვაქვს ორ დისპეტჩერზე, ასევე მესამე ადამიანზე, რომელთაც განზრახ მოახდინეს ავიაკატასტროფის პროვოცირება“, – განაცხადა პოლონეთის გენერალური პროკურორის მოადგილემ.„თვითმფრინავის ფრაგმენტებს ბრიტანეთის და ესპანეთის ლაბორატორიებში იკვლევენ. ორ დისპეტჩერს ბრალი წარედგინება ავიაკატასტროფის განზრახ პროვოცირებაში, მესამე პირის ვინაობა დგინდება. რუსეთის მხარეს იურიდიული მხარდაჭერის მოთხოვნით მივმართეთ“,- განაცხადეს პრესკონფერენციაზე.პოლონეთის პრეზიდენტის ლეხ კაჩინსკის თვითმფრინავმა Ту-154-მა 2010 წლის 10 აპრილს, კატასტროფა სმოლენსკთან განიცადა.თვითმფრინავის ბორტზე მყოფი ეკიპაჟის რვა წევრი და 88 მგზავრი დაიღუპა. დაღუპულებს შორის იყო პოლონეთის პრეზიდენტი, მეუღლესთან ერთად.

პოლონეთი ლეხ კაჩინსკის თვითმფრინავის ავიაკატასტროფაში რუს დისპეტჩერებს ადანაშაულებს

სიახლეები

პაპი ლეონ XIV უკრაინაში ჩასვლას გეგმავს

ბათუმის მერი არჩილ ჩიქოვანი გადადგა – ინფორმაციას თავად ჩიქოვანიც ადასტურებს