განათლებისა და მეცნიერების სამინისტრო ახალგაზრდა თაობის მასწავლებლების გასაზრდელად ახალი პროგრამის დაწყებას გეგმავს. პროგრამა სტუდენტებში პედაგოგობის სურვილის გაჩენასა და შემდგომ წასახალისებას ისახავს მიზნად.ალექსანდრე ჯეჯელავას იმედი აქვს, რომ ამ პროგრამის დაწყებას მომავალი წლიდან შეძლებენ.„პროგრამა უნდა გავაკეთოთ. ვმუშაობთ ამ პროგრამაზე, რომ წარჩინებულ სტუდენტებს მესამე კურსზე მივაკითხოთ და შევთავაზოთ, რომ მოსინჯონ მასწავლებლობა. ბუნებრივია, საუბარია იმ ფაკულტეტებსა და სპეციალობებზე, რომლის პედაგოგიც სკოლებში გვჭირდება. საბჭოთა დროს პედაგოგიური ინსტიტუტები იყო დაბალი თამასის მატარებელი და ჩვენ გვინდა, რომ ყველაზე მაღალი აკადემიური მოსწრების სტუდენტები შევიტყუოთ პედაგოგიურში. ტოპ სტუდენტებს მივაკითხავთ და შევთავაზებთ, რომ მოსინჯონ პედაგოგობა“, – განაცხადა მინისტრმა.ალექსანდრე ჯეჯელავა ამბობს, რომ ამ პროცესში როგორც სახელმწიფო, ასევე კერძო უნივესიტეტები იქნებიან ჩართული.
წარჩინებულ სტუდენტებს მესამე კურსიდან მასწავლებლობა შეეძლებათ- განათლების სამინისტრო ახალ პროექტს იწყებს
Published on