წუხელ დაახლოებით 22 საათსა და ოცდაათ წუთზე სოხუმში ცეცხლი გაუჩნდა ოკუპირებული აფხაზეთის უზენაესი სასამართლოს შენობასთან მდგარ ავტომანქანას.
სოხუმის პროკურორის რუსლან თირქბას განცხადებით, შემთხვევის შედეგად არავინ დაშავებულა – მანქანის მფლობელი უზენაესი სასამართლოს მოსამართლე თემურ შონია ამ დროს თავის სამუშაო ადგილზე იმყოფებოდა და მანქანაში სხვაც არავინ მჯდარა. შემთხვევის ადგილზე ოპერატიულად მივიდნენ სახანძრო ბრიგადებიб მაგრამ სანამ ცეცხლის ჩაქრობას მოახერხებდნენ ავტომანქანა მნიშვნელოვნად დაზიანდა.
გამოძიება დაწყებულია, სამართალდამცავები არკვევენ, რასთან გვაქვს საქმე – ძრავის თვითაალებასთან თუ ცეცხლის განზრახ წაკიდებასთან
ეს მანქანისთვის ცეცხლის წაკიდების მეორე შემთხვევაა ბოლო 5 დღის მანძილზე – 16 მარტს, დაახლოებით 21:00 საათზე ასევე სოხუმის ცენტრში დაუდგენელმა პირებმა ცეცხლი წაუკიდეს ოკუპირებული აფხაზეთის ე.წ. პარლამენტის დეპუტატობის კანდიდატის ბათალ აიბას ავტომანქანას.