განათლების მინისტრის ინფორმაციით უფასო ფაკულტეტების რაოდენობა მცირდება

სახელმწიფოს მიერ სრულად დაფინანსებული საგანმანათლებლო პროგრამების ჩამონათვალი 2017–2018 სასწავლო წლისთვის, შესაძლოა, უკვე შეცვლილი იყოს. თუ როდის უნდა ელოდონ 2017 წლის აბოტურიენტები უფასო ფაკულტეტების სიის გამოქვეყნებას, ალექსანდრე ჯეჯელავას განცხადებით, ცვლილებების შესახებ მსჯელობა მიმდინარეობს და საბოლოო პოზიცია დაახლოებით ერთი თვის ვადაში გახდება ცნობილი. ის იმედს გამოთქვამს, რომ უფასო ფაკულტეტების რაოდენობა, საუბარია 21 პროგრამაზე, შეიცვლება და შემცირდება.„მე დიდი იმედი მაქვს, რომ უფასო ფაკულტეტების რაოდენობა შემცირდება, თუმცა ამაზე გადაწყვეტილება უნდა მივიღოთ. თქვენ თუ ახლა დაწერთ, რომ შემცირდება – ეს იქნება არასწორი; ისევე, როგორც თუ დაწერთ, რომ არ შემცირდება – იქნება ასევე არასწორი ინფორმაცია. თუმცა, ჩემი მოსაზრებაა, რომ უნდა შემცირდეს, რადგან ეს აგენერირებს უმუშევარ ხალხს“, – განაცხადა მინისტრმა.რაც შეეხება, სიის გამოქვეყნების ვადებს, მას შემდეგ, რაც განათლების სამინისტრო დოკუმენტს მთავრობის სხდომაზე გაიტანს და მინისტრთა კაბინეტი დაამტკიცებს, მას უკვე იურიდიული ძალა მიენიჭება და გამოქვეყნდება.

განათლების მინისტრის ინფორმაციით უფასო ფაკულტეტების რაოდენობა მცირდება

სიახლეები

პაკისტანმა ინდოეთის წინააღმდეგ მასშტაბური სამხედრო ოპერაციის დაწყების შესახებ გამოაცხადა

მერცი, მაკრონი, სტარმერი და ტუსკი კიევში ჩავიდნენ

თემურ ქათამაძეს სასამართლო პროცესის დასრულებამდე საქართველოდან არ გააძევებენ

ანდრო ჭიჭინაძე ევროპის კინოაკადემიის წევრი გახდა