რაგბი ევროპა ტურნირის გადამწყვეტი მატჩის შედეგების გამოქვეყნების გამო საქართველოსა და რუმინეთის ნაკრებებს ბოდიშს უხდის.განცხადება რაგბი ევროპის ვებგვერდზე გამოქვეყნდა. „რაგბის ევროპა ბოდიშს უხდის გულშემატკივრებს, სპორტსმენებს მომხდარი გაუგებრობის გამო “,- აღნიშნულია განცხადებაში.გუშინ, ბუქარესტში გამართული მატჩის შემდეგ, რუმინეთთან 8:7 დამარცხების მიუხედავად, ორგანიზატორებმა თასი საქართველოს მორაგბეთა ნაკრებს გადასცა.ორგანიზატორებს წესებში გარკვევისთვის რამდენიმე საათი დასჭირდათ. საქართველოს ნაკრები გამარჯვებულად ერთი საათის განმავლობაში ითვლებოდა.როგორც ირკვევა, რაგბი ევროპამ არ გაითვალისწინა წესდებაში არსებული პუნქტი, რომლის მიხედვითაც, თანაბარ ქულებზე უპირატესობა ურთიერთ შეხვედრას ენიჭება.