ამოქმედდება თუ არა ქვეყანაში უმუშევარი მოქალაქეებისთვის კომპენსაციების გაცემის მოდელი. შესაბამისი თხოვნით, მთავრობას საქართველოს გაერთიანებული პროფკავშირები მიმართავენ. გაერთიანება საკუთარ მოთხოვნას საერთაშორისო პრაქტიკით და იმ გარემოებით ამყარებს, რომ სამსახურის გარეშე დარჩენილ პირებს, წლების განმავლობაში ბიუჯეტში გარკვეული თანხა შეჰქონდათ. ჯანდაცვის სამინისტროში უმუშევართა შემწეობის სისტემის დანერგვის მიზნით კონსულტაციები დაწყებულია.