შარდენზე ერთ-ერთ კლუბში მომხდარი ჩხუბის დროს კლუბის დაცვის წევრი დააკავეს. გენერალურმა ინსპექციამ ბერა ივანიშვილის დავალებით პოლიციას მისი გათავისუფლება მოთხოვა. თუმცა, ეს მოთხოვნა არ დაკმაყოფილდა, რასაც მინისტრის მხრიდან თავად მათი – გენერალური ინსპექციის ცხრა თანამშრომლის გათავისუფლება მოჰყვა – აცხადებენ ნაციონალურ მოძრაობაში.
ენმ – ის წევრები ბიძინა ივანიშვილის ოჯახის წევრს და შსს მინისტრს პოლიციელთა ღირსების შელახვაში ადანაშაულებენ.
„ეს არის მორიგი ფაქტი, რომელიც ადასტურებს პოლიციელთა ღირსების შელახვას, მათ აბუჩად აგდებას, აღმაშფოთებელია, რომ შინაგან საქმეთა მინისტრი პოლიციელებს, თავის თანამშრომლებს "ბალასტს" უწოდებს – ეს ანგრევს ქართულ სახელმწიფოს. ამიტომ ერთიანი ნაციონალური მოძრაობა ყოველთვის და ყველგან დაცავს ქართული პოლიციის ღირსებას, ქართველი პოლიციელების უფლებებს,“ – განაცხადა ნუგზარ წიკლაურმა.