მე პირადად ვლოცულობ ილია მეორის ჯანმრთელობისთვის და ვუსურვებ ხანგრძლივ სიცოცხლეს, – ამის შესახებ ამერიკის შეერთებული შტატების ელჩმა საქართველოში იან კელიმ საპატრიარქოს გარშემო განვითარებული მოვლენების კომენტირებისას განაცხადა.
იან კელის განმარტებით, ის ძალიან ყურადღებით აკვირდება მიმდინარე მოვლენებს.
„საქართველოს პატრიარქი ილია მეორე წარმოადგენს ძალიან მნიშვნელოვან ფიგურას. რასაკვირველია, პირველ რიგში, ერის გამაერთიანებლის როლს თამაშობს, ის ტოლერანტობის და სათნოების მაგალითია. მე პირადად ვლოცულობ მისი ჯანმრთელობისთვის, ვუსურვებ ხანგრძლივ სიცოცხლეს და რა თქმა უნდა, ძალიან ყურადღებით ვაკვირდებით მიმდინარე მოვლენებს“, – განაცხადა იან კელიმ. .