რუსეთის 15 რეგიონში საწვავის გაყიდვა შეიზღუდა ინფორმაციას უკრაინული მედია ავრცელებს და წერს, რომ ბენზინისა და დიზელის დეფიციტის ფონზე, ქვეყანაში საწვავის კრიზისი კიდევ უფრო ღრმავდება.

მათივე ცნობით, საწვავის გაყიდვის შეზღუდვებმა ხანტი-მანსის ავტონომიურ ოკრუგამდეც კი მიაღწია, რომელიც რუსეთის უმსხვილესი ნავთობმომპოვებელი რეგიონია და ქვეყანაში ნედლი ნავთობის მთლიანი მოპოვების დაახლოებით 40%-ს უზრუნველყოფს. გამოცემა წერს, რომ
გაზპრომ ნავთობისა და Lukoil-ის ავტოგასამართ სადგურებზე გაყიდვები ლიმიტირებულია: ერთ მომხმარებელზე მაქსიმუმ 40 ლიტრი ბენზინი და 80 ლიტრი დიზელი გაიცემა, თანაც საწვავის ჩასხმა მხოლოდ უშუალოდ ავტომობილის ავზებშია ნებადართული.

უკრაინული მედიის ინფორმაციით, მსგავსი ლიმიტები და სათადარიგო ავზებში ჩასხმის აკრძალვა შემოიღეს ბელგოროდის, ბრიანსკის, კურსკის, ტიუმენის, ნოვოსიბირსკის, სარატოვის, პენზის, ომსკის, ვორონეჟისა და მურმანსკის ოლქებში, ასევე კრასნოიარსკის მხარეში.