დღეს დასრულდა გიორგი კვირიკაშვილის ოფიციალური ვიზიტი რომში, სადაც იგი თავის იტალიელ კოლეგას, მინისტრთა კაბინეტისა და პარლამენტის სენატის ხელმძღვანელებს შეხვდა.
შემაჯამებელ სიტყვაში პრემიერმა გააკეთა განცხადება საქართველო-იტალიის ურთიერთობებში ახალი ეტაპის დაწყების შესახებ .
მან საქართველო-იტალიის ბიზნეს ფორუმის წარმომადგენლებსაც მიმართა სიტყვით. მედიასთან საუბრის დროს გიორგი კვირიკაშვილმა კიდევ ერთხელ მიულოცა საქართველოს მოსახლეობას უვიზო მიმოსვლის შესახებ გადაწყვეტილება და მოუწოდა გაფრთხილდეს ამ მიღწევას.
„ჩვენ არაერთ შეხვედრაზე გავაკეთეთ დეკლარირება საქართველოს ძალიან მნიშვნელოვანი როლით ჩვენს რეგიონში და იტალიური კომპანიების მხრიდან, რამდენიმე ასეული კომპანია იყო და არის საქართველოში ინვესტირების ინტერესით. ვულოცავ ყველას ძალიან მნიშვნელოვანი მიღწევაა და პასუხისმგებლობა, რომ ჩვენ ღირსეულად ვატაროთ ეს მნიშვნელოვანი უფლება, განსაკუთრებით საწყის პერიოდში,“-განაცხადა გიორგი კვირიკაშვილმა