ტელეკომპანია „მაესტროს" ინფორმაციით, საქართველოს კათოლიკოს-პატრიარქის, ილია მეორის მდივან-რეფერანტმა შორენა თეთრუაშვილმა დეკანოზ გიორგი მამალაძეს ციანიდი თვითმკვლელობისთვის სთხოვა, რაც დეკანოზმა ჩვენებაშიც დაწერა.
დეკანოზის ადვოკატები არც ადასტურებენ და არც უარყოფენ ამ ინფორმაციას.
"მამა გიორგის ჩვენებაში ბევრ საკითხზეა საუბარი და შესაძლოა ამაზეც იყოს. ამ ვერსიასაც აქვს არსებობის უფლება. ყველაფერი თავის დროზე გახდება ცნობილი". -აცხადებს ადვოკატი მიხეილ რამიშვილი.
შეგახსენებთ, დეკანოზ გიორგი მამალაძის საქმის მასალებში ერთერთ ვერსიად იკვეთება, რომ მას თვითონ შორენა თეთრუაშვილის თხოვნით მიჰქონდა ციანიდი გერმანიაში და ამისთვის 500 დოლარიც კი დაუტოვა, თუმცა დეკანოზმა ციანიდი მაინც ვერ იშოვა და ისე მიდიოდა გერმანიაში.
შორენა თეთრუაშვილის თვითმკველობის განზრახვა კიდევ ერთი რგოლია უცნაურობათა დაუსრულებელ ჯაჭვში, რომელსაც დეკანოზის საქმე წარმოადგენს