თბილისის საკრებულოსთან ,,ბავშვთა სამყაროში'' გაჩენილი ხანძრის შედეგად დაზარალებულთა საპროტესტო აქცია მიმდინარეობს. დაზარალებულები სახელმწიფოსგან დახმარებას და მიყენებული ზიანის კომპენსაციას მოითხოვენ.
მათი პროტესტის საგანია ისიც, რომ მიუხედავად მრავალგზისი მოთხოვნისა, თბილისის მერიისა და არც თბილისის საკრებულოს უმრავლესობის წარმომადგენლები უარს ამბობენ მათთან შეხვედრაზე.
აქციის მონაწილეებს საკრებულოს ოპოზიციის წარმომადგენლები შეხვდნენ. მათ 5 პუნქტიანი გეგმა შეიმუშავეს, რომელსაც დღეს ჩანიშნულ საკრებულოს სხდომაზე წარადგენენ.
ოპოზიცია მერიისგან ითხოვს სტიქიის შედეგად დაზარალებულად ცნოს მოვაჭრეების და დასახმარებლად სარეზერვო ფონდიდან გამოიყოს 2 მილიონი ლარი, ასევე დაიწყოს მოლაპარაკებები ეროვნულ ბანკთან, რათა მოხდეს ბანკებში არსებული სესხების გადავადება.
მოვაჭრეები აცხადებენ, რომ სურთ თავადაც დაესწრონ დღევანდელ საკრებულოს სხდომას და მათ ამაში ხელს ვერავინ შეუშლის.