"თაიმერის" ცნობით, სენაკის მუნიციპალიტეტის გამგეობის ეკონომიკის, დაგეგმარების, სტატისტიკისა და განვითარების სამსახურის უფროსი – ზურაბ ტყებუჩავა სამსახურიდან Facebook-ზე გამოქვეყნებული ფოტოების მოწონების გამო გაათავისუფლეს. ფოტოები ადგილობრივ ოპოზიციონერებს ეკუთვნოდა.
ამ ფაქტს ,,თაიმერს'' თავად ზურან ტყებუჩავაც უდასტურებს.
"სენაკი პატარა რაიონია და აქ ყველა ერთნაეთს იცნობს… ვიღაც მეგობარია, ვიღაც ნათესავი ან ნათესავის მეგობარი. მიუხედავად პარტიული კუთვნილებისა, ჩვენ ერთმანეთთან ურთიერთობა და მეგობრობაც გვიწევს…
სხვანაირად აქ ვერ იცხოვრებ… გამგეობის ხელმძღვანელობას ძალიან არ მოეწონა, რომ მე ოპოზიციური პარტიის წევრებს შობა-ახალი წელი მივულოცე… რომ მათ ფოტოებს ,,ვალაიქებდი,, და ამის შესახებ პირდაპირ მითხრეს.
ცოტა ხანში გამანთავისუფლეს კიდევაც. არ ვიცი აუდიტის სამსახური რას ჩამიწერს განთავისუფლების ოფიციალურ მიზეზად, ჯერ არ მოუციათ დოკუმენტი… მაგრამ ის აბსურდული მიზეზი, რის გამოც რეალურად გამანთავსუფლეს – ჩემთვის ნათელია", – ამბობსტყებუჩავა "თაიმერთან" საუბარში.