წუხელ, გვიან ღამით ზუგდიდში, ყოფილი ტაქსოპარკის ტერიტორიაზე მდებარე სასადილოს შენობაში ხანძარი გაჩნდა. მიუხედავად იმისა, რომ ადგილზე დროულად ქნა მობილიზებული სახანძრო-სამაშველო ბრიგადები, ცეცხლის ლოკალიზება ვერ მოხერხდა და იგი მთელ შენობას მოედო. შედეგად დამწვარია მთელი შენობა, ავეჯი და ტექნიკა.
ვარაუდობენ, რომ ხანძარი მოკლე ჩართვამ გამოიწვია – ცეცხლი ძველ ელექტროსადენებს გაუჩნდა.
როგორც სასადილოს მეპატრონე მარინა კვარაცხელია ამბობს, სასადილო ორსართულიანი შენობის პირველ სართულზე მუშაობდა, მეორე კი უფუნქციო იყო, ზარალი, რომელიც მას მიადგა, დიდია.
.