წელს საქართველოს სკოლებში სააღდგომო არდადეგები აღარ იქნება, ისევე როგორც ეს ტერმინი. ამის ნაცვლად, მოსწავლეებს საგაზაფხულო არდადეგები ექნებათ.ინფორმაციას Aris.ge განათლების სამინისტროზე დაყრდნობით ავრცელებს."აღდგომის დღესასწაულზე სკოლებიც ისევე დაისვენებენ, როგორც სხვა სამსახურები: წითელ პარასკევს – 14 აპრილს და ორშაბათს – 17 აპრილს. შაბათი და კვირა კი ყველასთვის დასვენების დღეა" – აცხადებენ სამინისტროში.შესაბამისად, წითელი პარასკევის წინა ხუთშაბათს (ე.წ. დიდი ხუთშაბათს) წელს სკოლები აღარ დაისვენებენ.