.დღეს დილით, პარიზში, ლუვრის შესავლელში მამაკაცმა, რომელიც პატრულმა არ გაატარა იმის გამო, რომ საეჭვოდ დიდი ჩანთა ეჭირა ხელში, მოულოდნელად დანა ამოიღო და მუცელში გაუყარა ორ ჯარისკაცს დაცვის სამსახურიდან. გავრცელებული ცნობით, ის ალაჰის სადიდებელ სიტყვებს ყვიროდა.
მუზეუმის დაცვამ თავდამსხმელს ცეცხლი გაუხსნა. სროლის შედეგად იგი მზიმედ არის დაჭრილი მუცლის არეში და ექიმების დასკვნით მისი გადარჩენა ნაკლებად სავარაუდოა. რაც შეეხება დაჭრილ ჯარისკაცებს, არც ერთის ჭრილობა საშიში არ არის.
მომხდარის გამო ლუვრიდან ხალხის ევაკუაცია განხორციელდა.
დროებით დაიხურა ახლომდებარე მეტროს სადგურები.
სამართალდამცველებმაეჭვმიტანილის ჩანთა შეამოწმეს, მასში ასაფეთქებელი მოწყობილობები არა, მაჩეტე კი აღმოჩნდა.
თავდამსხმელი იდენტიფიცირებულია, ცნობილია მისი სახელი, გვარი და საცხოვრებელი ადგილი – საბუთებში იგი დაფიქსირებულია როგორც მუსა ქულიბალი.
საფრანგეთის შინაგან საქმეთა სამინისტრო მუზეუმთან არსებულ ვითარებას სერიოზულს უწოდებს და მასშტაბურ ოპერაციას ატარებს.
საფრანგეთის პრემიერ მინისტრისა და ყოფილი შს მინისტრის ბერნარ კაზნევის განცხადებით, არ არის გამორიცხული დღევანდელი ინცინდენტი ტერორისტული აქტის განხორციელების მცდელობა იყოს