ზუგდიდის სკოლამდელ დაწესებულებათა ცენტრს ახალი ხელმძღვანელი ყავს. ყოფილმა დირექტორმა მარინა კვიკვინიამ თანამდებობა საკუთარი განცხადების საფუძველზე დატოვა.მის ადგილს ცენტრის თნამშრომელი ელისო ყალიჩავა იკავებს, რომელიც დაწესებულებაში 2014 წლიდან მუშაობს. ახალი უფროსი ამ ეტაპზე საკადრო ცვლილებების განხორციელებას არ აპირებს : “ჩვენ კარგი, ძლიერი და შრომისმოყვარე გუნდი ვართ. ადმინისტრაცია 15 კვალიფიკაციური კადრითაა დაკომპლექტებული და თითოეულმა მათგანმა იცის თავისი საქმე. საკადრო ცვლილებების განხორციელებას არ ვაპირებ, მიმაჩნია, რომ აქ არავინაა ზედმეტი. საქმე ბევრია და დიდ ძალისხმევას მოითხოვს. ჩემი კოლეგები დაუღალავად მუშაობენ იმისათვის, რომ ჩვენი აღსაზრდელები იყვნენ კარგ გარემოში, მათ დროულად მიაწოდონ ის საჭირო სახელმძღვანელოები,რაც მათი წინსვლისთვის და განვითარებისთვის იქნება აუცილებელი.“- განაცხადა ელისო ყალიჩავამ.
ზუგდიდის სკოლამდელ დაწესებულებათა ცენტრის ხელმძღვანელმა დაკავებული თანამდებობა დატოვა
Published on