ხორვატიის პარლამენტიდან პრო-რუსი დეპუტატი გააძევეს. იგი დაცვამ იძულებით, ფაქტობრივად ხელში აყვანილი გაათრია სხდომათა დარბაზიდან ხორვატიის სობორის ( პარლამენტის) სპიკერის ჟელკო რაინერის მოთხოვნით.
დეპუტატის გაძევება მოყვა პარლამენტში გაჩაღებული მწვავე დისკუსიას, როცა სპიკერმა დეპუტატის ზღვარგადასული ემოციებისა და ქმედების მოთოკვა სცადა და არაერთხელ გააფრთხილა, რომ ასე დისკუსიიის გაგრძელება შეუძლებელი იყო, მაგრამ ამაოდ.
,,მე ჩემით აქედან არ გავალ, ეს ფაშიზმია, თქვენ პარლამენტიდან აძევებთ განსხვავებული აზრის მქონე დეპუტატებს! ეს არის თქვენი დემოკრატია?! ეს არის თქვენი დემოკრატიულ კავშირად წოდებული პარტია და მისი პოლიტიკა, ეს არის სწორება ევროკავშირსა და ადამიანის უფლებებზე, რომელსაც თითქოს პრემიერი პლენკოვიჩი მისდევს?!''– გაყვიროდა დეპუტატი, როცა გასასვლელისკენ მიყავდათ.
გაძევებული დეპუტატი ივან პერნარი ლიბერალური ოპოზიციური პატიის წევრია, იგი მკვეთრად არის დაპირისპირებული ხორვატიის კათოლიკურ ეკლესიასთან და აცხადებს, რომ ეკლესია მმართველი პარტიის მარჯვენა ხელია და სანამ იგი მძლავრობს, არჩევნებში დემოკრატულ კავშირს გამარჯვება გარანტირებული აქვს. ხორვატიაში მას არცთუ ისე ბევრი მხარდამჭერი ყავს, რადგან პრორუსი პოლიტიკოსის რეპუტაცია აქვს და ამასთან გამოირჩევა მიდრეკილებით პროტესტის ძალისმიერი გამოხატვისკენ.