"ქალაქში ბავშვთა მხოლოდ 2/3 დადის სკოლამდელი აღზრდის დაწესებულებებში და მხოლოდ 55% სოფლად"- მარიამ ჯაში

განათლებისა და მეცნიერების კომიტეტის თავმჯდომარე მარიამ ჯაშის განცხადებით დღეს ქალაქში ბავშვთა მხოლოდ 2/3 დადის სკოლამდელი აღზრდის დაწესებულებებში და მხოლოდ 55% სოფლად, ეს არის პრობლემა. ჯაში პრეზიდენტის სასახლეში ფორუმს ”საქართველოში ბავშვთა კეთილდღეობის გამოწვევები” დაესწრო და ეს განცხადებაც აქვე გააკეთა.როგორც მარიამ ჯაშმა აღნიშნა, ფორუმზე სხვადასხვა სტრუქტურის მხრიდან წარმოდგენილი იყო ინფორმაცია, როგორც პროგრესის, ასე დარჩენილი გამოწვევების შესახებ, რომელიც უკავშირდება ბავშვთა უფლებების იმპლემენტაციას. ”აღსანიშნავია, რომ სიღარიბის დაძლევის კუთხით ჩვენ მნიშვნელოვანი პროგრესი გვაქვს გაწეული და ბოლო 3 წლის განმავლობაში უკიდურესი სიღარიბე 6%-დან 2,8%-მდეა შემცირებული. ასევე შემცირებულია ბავშვთა პროცენტი, რომელიც ღარიბ ოჯახებში, შინამეურნეობებში ცხოვრობენ. პროგრესი გვაქვს სკოლამდელი ასაკის მიმართულებით და ასევე სკოლაში ჩართულობის მიმართულებით. თუმცა, განათლების კომიტეტის სახელით მინდა მოგახსენოთ – ის, რომ დღეს ქალაქში ბავშვთა მხოლოდ 2/3 დადის სკოლამდელი აღზრდის დაწესებულებებში და მხოლოდ 55% სოფლად, ეს არის პრობლემა. ჩვენ უკვე ვმუშაობთ ქვეყნის მასშტაბით ძალიან სერიოზულად , რათა გავაუმჯობესოთ როგორც ხელმისაწვდომობა, ასევე ხარისხი და ინკლუზია, როგორც საბავშვო ბაღების სისტემის, ასევე სკოლების”, -განაცხადა მარიამ ჯაშმა.

“ქალაქში ბავშვთა მხოლოდ 2/3 დადის სკოლამდელი აღზრდის დაწესებულებებში და მხოლოდ 55% სოფლად”- მარიამ ჯაში

სიახლეები

აღვკვეთეთ 433 840 კოლოფი არადეკლარირებული სიგარეტის შემოტანის ფაქტი-საგამოძიებო

4 ოქტომბრის საქმეზე დაკავებულმა ალექსანდრე ჩილაჩავამ სასამართლო სხდომაზე საბოლოო სიტყვა თქვა.

ვიდგებით იმ ადამიანების გვერდით, ვისაც სურს იყოს ევროპის ნაწილი-სტენერგარდი საქართველოზე

ზელენსკი-ლავრაზე ეს დარტყმა არის თავდასხმა ქრისტიანულ საზოგადოებაზე