ამერიკის შეერთებული შტატების ისტორიაში პირველად მოჭრეს მონეტა, რომელზეც შავკანიანი ადამიანია გამოსახული, მაგრამ კანის ფერზე მეტად დღეს ყურადღება მახვილდება იმაზე, რომ ახალმოჭრილ მონეტაზე შავკანიანი ქალია აღბეჭდილი – უფრო ზუსტად მასზე გამოსახულ თავისუფლების ქანდაკებას შავკანიანი ქალის სახე აქვს.
ადრე მომხდარა, რომ ამერიკის ხაზინას ფულზე ქალი აღუბეჭდავს, მაგრამ ეს ეხებოდა ბანკნოტებს. ასეთი იყო ქაღალდის ფული ჰარიეტ ტუბმანის გამოსახულებით, რომელიც შავკანიანი იყო და ქალთა უფლებებისათვის ბრძოლის ერთერთი სიმბოლოდ აღიქმება ამერიკაში. მსგავსი რამ მონეტებთან დაკავშირებით არასოდეს მომხდარა – მონეტის მოჭრა ქალის გამოსახულებით ამ დრომდე მიუღებელი იყო.
მონეტა მოიჭრა სახაზინო ფულისმჭრელი საწარმოს "იუ-ეს-მინთის" 225 წლისთავთან დაკავშირებით. იგი 100 დოლარიანია, ჩამოსხმულია ოქროსგან, 24 კარატიანია და 30 გრამს იწონის.
მონეტა უკვე შეერთებული შტატების ფინანსთა დეპარტამენტის საგამოფენო დარბაზშია გამოფენილი