ხვალიდან ერთი დოლარის ოფიციალური ფასი 2.7831 ლარი იქნება. კურსი, რომელიც დღეს მოქმედებდა, 2.7412 ლარს შეადგენდა. შესაბამისად, ლარის ოფიციალური გაცვლითი კურსის ცვლილებამ 0.0419 ლარი შეადგინა.
ეროვნული ვალუტის კურსი ევროსთან მიმართებაშიც გაუფასურდა. კერძოდ, ხვალიდან ერთი ევროს შეძენა 2.8902 ლარად იქნება შესაძლებელი, მაშინ, როცა დღეს მოქმედი კურსი 2.8615 ლარს შეადგენდა. შესაბამისად, ლარის ოფიციალური გაცვლითი კურსის ცვლილებამ ევროსთან მიმართებაში 0.0287 ლარი შეადგინა.
აღსანიშნავია, რომ საქართველოს ეროვნულმა ბანკმა სავალუტო აუქციონზე დღეს 40 000 000 აშშ დოლარი გაყიდა.
მთავრობა ამისათვის პასუხისმგებლობას ვერ გრძნობს. – თურმე ამაში დამნაშავე ა ყველა და ყველაფერი ხელისუფლების გარდა.
,,ის, რაც ხდება ლარის კურსთან დაკავშირებით, სწორედ საგარეო ფაქტორების დამსახურებაა, -განუცხადა დღესჟურნალისტებს საქართველოს პარლამენტის თავმჯდომარემ ირაკლი კობახიძემ. „არის კონკრეტული საგარეო ფაქტორები, რომლებიც პირდაპირ ზემოქმედებს ლარის კურსზე. ეს არის არსებული კონტექსტი, რეგიონული კონტექსტი… ჩვენი სავაჭრო პარტნიორების ვალუტების კურსის დევალვაცია პირდაპირ განაპირობებს ჩვენი ვალუტის კურსის დევალვაციას. ეს არის ყველაზე სამწუხარო მოვლენა და მთავრობამ ყველაფერი უნდა გააკეთოს იმისთვის, რომ გარე ფაქტორების მიუხედავად, შეინარჩუნოს სტაბილური კურსი. ამას ემსახურება სწორედ ოთხპუნქტიანი გეგმა და ყველა ის სამთავრობო ინიციატივა, რომელიც გულისხმობს საქართველოში ეკონომიკური ზრდის ტემპების დაჩქარებას“, – განაცხადა ირაკლი კობახიძემ.