,,პირველი რადიო" არასამთავრობო ორგანიზაცია ,,მედიატორის'' მიერ საქართველოს განათლებისა და მეცნიერების სამინისტროდან გამოთხოვილი მონაცემების ასფუძველზე აქვეყნებს ინფორმაციას, რომ 9 თვის განმავლობაში, სამინისტროს მხოლოდ შტატიანი 221 თანამშრომლისთვის გაცემულმა ხელფასმა, მინისტრისა და მისი მოადგილეების თანამდებობრივი სარგოს ჩათვლით, 2 მილიონ 839. 968.31 ლარი შეადგინა. 120 უშტატო თანამშრომლის ხელფასი კი 1 მილიონ 297 342 ლარია.
ჯეჯელავას უწყებაში მინისტრის, მისი მოადგილეებისა და სხვა შტატიანი თანამშრომლების პრემია-დანამატების ოდენობა 1 515 474 ლარია , ამას ემატება 120 უშტატო თანამშრომლისთვის მიცემული პრემია, რაც სამინისტროს ინფორმაციით 463 514 ლარს შეადგენს. რაც შეეხება სამივლინებო და წარმომადგენლობითი ხარჯს , სამინისტროს მიერ ამ მიმართულებით დახარჯული თანხის ოდენობა საჯარო ინფორმაციაში დასახელებული არ არის.