შავი ზღვის აუზის უსაფრთხოების თემა თებერვალში განიხილება და მანამდე ჩემი ბრიუსელში ჩასვლა მხოლოდ ხარჯებთან იქნებოდა დაკავშირებული, – ასე უპასუხა თავდაცვის მინისტრობის კანდიდატმა ლევან იზორიამ ”ერთიანი ნაციონალური მოძრაობის” დეპუტატ ელენე ხოშტარიას კითხვას იმის შესახებ, თუ რატომ არ იმყოფებოდა მინისტრი ბრიუსელში შავი ზღვის აუზის უსაფრთხოების საკითხის განხილვისას.
როგორც იზორიამ აღნიშნა, თავდაცვის უწყება საერთაშორისო ვიზიტებს ინტენსიურად გეგმავს კონკრეტული ამოცანით და არა ფორმალურად. საკითხის განხილვა ნატო-ს შტაბ-ბინაში თებერვალში მოხდება, მანამდე კი სხვადასხვა ტიპის სამუშაოები მიმდინარეობს.
” ჩვენი პოლიტიკა თანმიმდევრული იყო. საკეკლუცოდ და მეტიჩრობისთვის მე ვერ წავიდოდი.საკითხი იქნება თებერვალში განხილული. მანამდე იქ ჩემი ჩასვლა იქნებოდა მხოლოდ ხარჯებთან დაკავშირებული. – განაცხადა ლევან იზორიამ.
პარლამენტში კომიტეტების სხდომა მიმდინარეობს, სადაც მინისტრობის კანდიდატებს უსმენენ.