უამინდობის გამო სპეციალისტები იმერეთისა და სამეგრელოს მოსახლეობას ურჩევენ ნუ დატოვებენ სახლებს, თუ ეს აუცილებელი არ არის. ძლიერი ქარი და ყინვა მთელს საქართველოში კიდევ რამდენიმე დღე უნდა შენარჩუნდეს.
აღმოსავლეთ საქართველოში თოვლი, დასავლეთში კი ძლიერი ქარი 24 ნოემბრის ჩათვლით უნდა იყოს. ამ პერიოდის განმავლობაში ჰაერის ტემპერატურა ქვეყნის მთელს ტერიტორიაზე საკმაოდ დაბალი იქნება.
სპეციალისტები ვარაუდობენ, რომ ხუთშაბათიდან უკვე გამოიდარებს.