რუსთავი 2 –ის ცნობით, სამეგრელოს რამდენიმე სკოლაში მიიღეს გადაწყვეტილება, რომლის თანახმად, მოსწავლეებს თავისუფალი სტილით ჩაცმა ეკრძალებათ. ის, ვინც სკოლის შინაგანაწესს არ დაემორჩილება, გაკვეთილებზე არ დაიშვება.
რუსთავი 2 ეყრდნობა EDU.ARIS.GE-ს ჟურნალისტის სტატიას,რომელშიც საუბარია ამ აკრძალვებზე და, მათ შორის იმაზეც, რომ ფრჩხილის ლაქის წასმა ეკრძალებათ. პედაგოგებსაც.
სკოლებში აკრძალვების დაწესებას არასამთავრობო სექტორი აკრიტიკებს. აკრძალვებს მოზარდების პროტესტიც მოჰყვა.
,,ოდიში ნიუსი" ცდილობს გაარკვიოს, რამდენად შეესაბამება ეს ინფორმაცია სინამდვილეს.