ისლამური სახელმწიფოს თავდასხმიდან ზუსტად ერთი წლის შემდეგ პარიზის საკონცერტო დარბაზმა მუშაობა განაახლა. ბატაკლანის კლუბი, რომელიც გასული წლის 13 ნოემბერს ISIS-ის თავდასხმის მთავარი სამიზნე გახდა, სტინგის კონცერტით გაიხსნა.
საქველმოქმედო შოუს დაწყებამდე, ლეგენდარულმა მუსიკოსმა წუთიერი დუმილი გამოაცხადა და 13 ნოემბერს გარდაცვლილებს მიაგო პატივი.
,,დღეს ჩვენ პატივს მივაგებთ ტერორიზმის მსხვერპლთა ხსოვნას და ამავე დროს ბატაკლანს ვუბრუნებთ თავის ფუნქციას – ასოცირდებოდეს არა ტრაგედიასთან, არამედ სილამაზის, მუსიკის დღესასწაულთან, რისთვისაც შეიქმნა იგი – განაცხადა სტინგმა. მისივე განცხადებით კონცერტიდან შემოსული თანხა მთლიანად ტერაქტების შედეგად დაზარალებულთა რეაბილიტაციის ფონდებში გადაირიცხება.
სტინგის კონცერტს ესწრებოდნენ ტერაქტის მსხვერპლთა ნათესავები და ახლობლები.
რეიტერსის ცნობით, პოლიციას მიღებული ქონდა უსაფრთხოების განსაკუთრებული ზომები, წესრიგის დამცველნი იმყოფებოდნენ როგორც კლუბის მისადგომებთან, ისე უშუალოდ დარბაზშიც.