სასწრაფო დახმარების ეკიპაჟის 4 წევრია დაშავდა ვაკეში მომხდარი ავტოსაგზაო შემთხვევის შედეგად.
სასწრაფო დახმარების მანქანას, რომელიც გამოძახების ადგილზე მიიჩქაროდა, ორი ქუჩის გადაკვეთაზე ”რეინჯ როვერის” მარკის ავტომანქანა შეეჯახა.
სასწრაფო დახმარების პრესსამსახურში განცხადებით, დაშავებულები სასწრაფო დახმარების ავტომანქანის მძღოლი, ორი ექიმი და ერთი სტაჟიორია. მათი მსუბუქი დაზიანებები აქვთ მიღებული. დაშავებულთაგან საავადმყოფოში ამ დროისთვის მხოლოდ ერთი ადამიანი რჩება, დანარჩენი სამი კი მკურნალობას სახლის პირობებში განაგრძობს.
შსს-ს ინფორმაციით, მომხდარზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.