შეერთებული შტატების ახლადარჩეულმა პრეზიდენტმა დონალდ ტრამპმა დაადასტურა, რომუცილობლად შეასრულებს თავის ერთერთ წინასაარჩევნო დაპირებებს და, პირველ რიგში უარს იტყვის  საპრეზიდენტო ხელფასზე, რომელიც თვეში 400 ათას დოლარს შეადგენს. 

პრეზიდენტის ხელფასი არ არის ჩემთვის მთავარი და ერთი დოლარსაც კი არ ავიღებ ამ ფულიდან – განუცხადა მან ჟურნალისტებს , რომელთაც ეს დაპირება შეახსენეს. 

 ეს შეერთებული შტატების ისტორიაში მესამე შემთხვევაა, როცა სახელმწიფოს მეთაური უარს ამბობს  კანონით განსაზღვრული ხელფასის აღებაზე. 

პირველმა ეს ჰერბერტ გუვერმა გააკეთა , 1929 წელს არჩეულმა პრეზიდენტმა, რომელსაც ნავთობის მოპოვებაში დაგროვილი მილიონები ჰქონდა, მეორე საყოველთაოდ  ცნობილი ჯონ კენედი, რომელიც 1961 წელს აირჩიეს და მდიდარი და წარმატებული ოჯახიდან იყო. 

ორივე ამ პრეზიდენტმა  თავისი მმართველობის წლებში მთელი კუთვნილი ხელფასი   კანონის მოთხოვნისამებრ ქველმოქმედებას მოახმარა.

 და აი, ახლა ტრამპიც იგივეს აპირებს. 

ფორბსის ცნობით,  ტრამპის ქონება დღეისათვის  3, 7 მილიარდ დოლარს შეადგენს, თუმცა თავად მან ახლახან განაცხადა, რომ ოდნავ  უფრო მეტი ქონების მფლობელია, ვიდრე ეს  ფორბსს აქვს შეფასებული.