ინციდენტების პრევენციისა და მათზე რეაგირების მექანიზმების ფარგლებში გალში დღეს მორიგი შეხვედრა გაიმართა.სუსის ანალიტიკური დეპარტამენტის უფროსის მოდაგილემ კახაბერ ქემოკლიძემ შეხვედრის დასრულების შემდეგ ჟურნალისტებთან იმ საკითხებზე ისაუბრა, რაზეც შეხვედრის დროს გამახვილდა ყურადღება.მთავარი განსახილვევლი საკითხი 19 მაისს ხურჩაში მომხდარი მკვლელობა იყო. ქართული მხარე გიგა ოთხოზორიას მკვლელის რაშიდ კანჯი-ოღლუს საქართველოსთვის გადმოცემას ითხოვს.გალის შეხვედრაზე ასევე ცნობილი გახდა, რომ 2012 წელს დაკავებული 39 წლის ზაზა წულუკიამ, რომელიც აფაზეთის დე-ფაქტო ტერიტორიაზე პატიმრობაში იმყოფებოდა, აფხაზური მხარის განცხადებით სიცოცხლე თვითმკვლელობით დაასრულა და დასაფლავებულია სოხუმში, თუმცა სუსის ანალიტიკური დეპატრამენტის უფროსის თქმით, ქართულ მხარეს ამ საკითხთან დაკავშირებით კითხვის ნიშნები აქვს.კახაბერ ქემოკლიძის თქმით, დღევანდელ შეხვედრაზე ასევე განიხილეს საოკუპაციო ზოლთან არსებული ვითარება, მათ შორის ქართველი მოსწავლეების გადაადგილების პრობლემა.ოთხწლინი პაუზის შემდეგ გალის აღდგენილი შეხვედრების რიგით მეექვსე შეხვედრა გაიმართა დღეს გალში, მომავალი შეხვედრა ინციდენტების პრევენციისა და მათზე რეაგირების მექანიზმის ფარგლებში 2017 წლის 24 იანვარს გაიმართება.
აფხაზური მხარის ინფორმაციით 2012 წელს დაკავებულმა ზაზა წულუკიამ სიცოცხლე თვითმკვლელობით დაასრულა
Published on