შეერთებული შტატები საქართველოს მთავარი პარტნიორია და ეს ურთიერთობები გაგრძელდება – ასეთია მმართველი გუნდის შეფასება. მათი განცხადებით, მჭიდრო ურთიერთობა კვლავ შენარჩუნდება საპრეზიდენტო არჩევნების ნებისმიერი შედეგის შემთხვევაში. ხელისუფლება კი როგორც აქამდე, მომავალშიც აქტიურად გააგრძელებს ამ მიმართულებით მუშაობას.„ამერიკა არის ჩვენი უმთავრესი პარტნიორი ტერიტორიული მთლიანობის და არაღიარების თვალსაზრისით. ამერიკის როლი ამ თვალსაზრისით არის მნიშვნელოვანი, მათ შორის ჟენევის პროცესში და ეს რა საკვირველია ძალიან მკაფიო პოზიციაა, რომელიც გაგრძელდება. ახალი ადმინისტრაციების შემთხვევაში, როგორც ამერიკაში ასევე საქართველოში ახალი სივრცეები გაჩნდება ამ თანამშრომლობის გაძლიერების,“- აცხადებს მმართველი გუნდის წევრი დავით ბაქრაძე.არჩევნების მნიშვნელობაზე საუბრობენ საპარლამენტო უმცირესობაში. ისინი იმედოვნებენ, რომ ნებისმიერ შემთხვევაში პარტნიორული ურთიერთობები შენარჩუნდება და შეერთებული შტატები გააგრძელებს სტრატეგიულ თანამშრომლობას საქართველოსთან.
„ჩვენთვის ძალიან მნიშვნელოვანი არჩევნებია, მისი შედეგები პირდაპირ აისახება ჩვენი ქვეყნის მომავალზე. ამ ქვეყანაში დემოკრატიის მომავალზე. მნიშვნელოვანია ის, რომ არჩევნების შედეგად ამერიკის შეერთებულმა შტატებმა გააგრძელოს სტრატეგიული ურთიერთობების განვითარება ჩვენს ქვეყანასთან,“-განაცხადა სალომე სამადაშვილმა.