ზუგდიდის მუნიციპალიტეტის საკრებულოს თავმჯდომარის მოვალეობის შემსრულებელმა გიორგი თოდუამ „რესპუბლიკური პარტია“ დატოვა. როგორც მედიასთან საუბარში აღნიშნავს, მან ეს გადაწყვეტილება რესპუბლიკურ პარტიაში მიმდინარე პროცესებთან დაკავშირებით მიიღო.
„ ჩემთვის ეს გადაწყვეტილება ძალიან მძიმე და მტკივნეულია, მაგრამ მე ვაგრძელებ პოლიტიკურ ცხოვრებას. თუ როგორ და რა მიმართულებით, ამის შესახებ უახლოეს მომავალში გამცნობთ “, – განაცხადა გიორგი თოდუამ.
გიორგი თოდუა რესპუბლიკური პარტიის წევრი 2009 წლიდან იყო, ბოლო წლებში კი ეროვნული კომიტეტის წევრი და პარტიის სამეგრელოს რეგიონის კოორდინატორი.