ბერლინში, გუშინ "ნორმანდიული ოთხეულის" შეხვედრა აქციის ფონზე გაიმართა.გერმანიის დედაქალაქში, რუსეთის პრეზიდენტს ვლადიმერ პუტინს საპროტესტო აქციით დახვდნენ.ვლადიმერ პუტინის ბერლინში ჩასვლა ადგილობრივმა აქტივისტებმა „დასისხლიანებული“ სათამაშოებით გააპროტესტეს. ანგელა მერკელის ოფისის წინ შეკრებილმა ასობით ადამიანმა წითელი საღებავით შეღებილი სათამაშო დათვები მიიტანა. აქციის ორგანიზატორების თქმით, ეს დათვები ალეპოში რუსული ავიაციის დარტყმების შედეგად დაღუპული ბავშვების სიმბოლოა."შეწყვიტეთ ბავშვების დაბომბვა" – სკანდირებდნენ აქტივისტები.უკრაინული დროშებით კი, აქციის მონაწილეებმა აღმოსავლეთ უკრაინაში რუსეთის ქმედებები გააპრტესტეს.